The Go-To Guy

LaVaria-damesdorpskoshuis is die enigste pienk koshuis op kampus. Ons is trots op ons LaVaria-dames wat ons leuse, Eenheid in Verskeidenheid, uitstraal. By LaVaria sorg ons vir die verryking van elke dame se universiteits- en studentelewe, aangespoor deur ʼn groot groep pienk sussies. Met trots en tradisie agter haar skroom LaVaria al sedert 2006 nie om te kompeteer nie. Die koshuis se prioriteit is dat elke LaVaria dame volkome haarself kan wees. As een van die jongste koshuise kan Lavaria werklik spog met die vordering en groei van die koshuis en wys ons herhaaldelik dat ons vir niemand terugstaan nie. In ons koshuis word alle geleenthede gebied wat aan inwoners van kampuskoshuise gebied word. Ons neem deel aan alles en maak altyd die meeste van elke geleentheid. LaVaria bied die geleentheid vir die dames om privaat te woon en aan te sluit by LaVaria of om van LaVaria se verblyf gebruik te maak. LaVaria-verblyf voldoen aan alle studenteverblyfverwagtinge met die keuse van dubbel- of enkelkamers, eenpersoonseenhede, studielokale, veilige ondergrondse parkering en 24 uur-sekuriteit. Die verblyf sluit ook ʼn verskeidenheid rekreasiefasiliteite soos ʼn swembad, braai-areas en ʼn gimnasium in. Die verblyf is reg oorkant die kampus geleë en is net ʼn paar meter weg van onderskeidelik ʼn draaihek en ʼn hoofhek. Met ons oë ten alle tye gerig na Bo en geklee in pienk kan elke LaVaria-dame haar studentelewe met selfvertroue en lewenslus aanpak. Swart en pienk.