Kinderkinetika is ‘n wetenskaplik gefundeerde bewegingsontwikkelingsprogram met totale ontwikkeling van die kind ten doel. Hierdie program word terapeuties, voorkomend en/of bevorderend aangebied om by die spesifieke behoeftes van u kind aan te pas soos vasgestel deur wetenskaplik gegronde evaluasies. Programme word op verskillende ouderdoms- en vaardigheidsvlakke aangebied. VISIE Om ‘n voortreflike en eties verantwoordbare kindervriendelike diens, gebaseer op ’n wetenskaplike grondslag aan kinders asook instansies wat kinders akkommodeer, te lewer, om sodoende kinders se bewegingspotensiaal te optimaliseer, asook deur die diens praktiese opleidings- en navorsingsgeleenthede aan nagraadse studente in Kinderkinetika te bied.