Welkom by die tweede uitgawe van Potch Weeklikse Pols! Hierdie week bring ernstige uitdagings vir Potchefstroom: van sinkgate en waterpypbarsings tot rioolvloei en ’n groot ontruimingsbevel langs die Vaalrivier. Ons dek ook reën wat sport stilgemaak het, ’n jong krieketster se toerplanne, inspirasie uit StroomStories, en goeie nuus van PAWS. Hier’s alles wat jy moet weet oor wat in ons dorp aangaan.  Nuusgesprek Sinkgat Sluit Sleutel-kruising in Potchefstroom Die kruising van Dwarsstraat en Eleazerstraat is deur owerhede gesluit ná die vorming van ’n potensieel gevaarlike sinkgat. Die gebied bly gesluit totdat herstelwerk en veiligheidsevaluerings afgehandel is. Lees die storie hier. Ontruimingsbevel Uitgereik ná Stygende Vaalrivier-vlakke ’n Dringende ontruimingsbevel is op 6 April 2025 uitgereik vir gemeenskappe langs die Vaalrivier nadat vyf sluise by die Vaaldam in vinnige opvolging oopgemaak is. Die gemeenskap word aangeraai om paraat te bly en amptelike instruksies te volg. Lees die storie hier. Rioolprobleme Ontstel Woongebiede in Potchefstroom Verskeie inwoners het aanhoudende riooloorlope in strate, erwe en openbare ruimtes aangemeld. Die toestand van Potchefstroom se rioolinfrastruktuur is onder toenemende kritiek, en dringende ingryping word versoek. Lees die storie hier. Potch Dorp Rugbyhoekie Reënbuie Kanselleer Potchefstroom Rugby-wedstryde Alle wedstryde geskeduleer vir Saterdag, 5 April 2025 is weens verwagte swaar reën gekanselleer. Tot 100 mm reën is voorspel – en hoewel Potch se spelers gehard is, is hulle ongelukkig nie waterdig nie! Lees die storie hier. Herprogrammering: Halfeindstryde nou op 12 April 2025 Die halfeindstryde is nou amptelik herskeduleer na Saterdag, 12 April in Potchefstroom. Hou sosiale media dop vir opgedateerde skoptye. Dit gaan steeds 'n rugbyfees wees! Lees die storie hier. Raadshoekie Wateronderbrekings ná Pypbarsing – JB Marks vra besparings Die Vyfhoek-reservoir se toevoerpyp het gebars, wat verskeie woongebiede sonder water gelaat het. Die JB Marks Plaaslike Munisipaliteit vra inwoners om spaarsaam met water om te gaan terwyl herstelwerk voortgaan (9 April 2025). Lees die storie hier. Reën Vertraag Sinkgatherstelwerk by Dwars & Eleazerstraat Herstelwerk aan die sinkgat-kruising is vertraag as gevolg van oormatige reën. Munisipale spanne probeer tans water uitpomp voordat strukturele herstelwerk kan begin. Lees die storie hier. Gemeenskapsfokus Steun Johenku Viljoen se Kriekettoer na Jubaweni Johenku, ’n jong en talentvolle krieketspeler, maak gereed vir ’n spesiale toer na Jubaweni. Die gemeenskap word uitgenooi om hom finansieel of op enige ander manier te ondersteun in hierdie belangrike stap in sy sportloopbaan. Lees die storie hier. Skuiling Kry Steun – PAWS Bedank Potchefstroom Maart 2025 was ’n maand van volle bakke en gelukkige sterte by PAWS. Gemeenskapslede het kos, gereedskap en besoeke geskenk – en die honde (en die personeel!) het dit volop geniet. PAWS sê dankie vir elke bydrae – groot of klein! Lees die storie hier. StroomStories Weeklikse Terugblik Inspirasie. Talent. Geloof. Rugby. Hier is hierdie week se episodes wat diep spore trap: Dinsdag – SportStroom Ep. 18: Bert Moolman vorm Rugby se Toekoms Bert Moolman van Luiperd Welpie Rugby deel sy dekade lange ervaring in jeugontwikkeling en die belangrikheid van kindvriendelike speelstrukture. Lees die storie hier. Woensdag – Spiritual Talk Ep. 27: Die Pad van Dissipelskap Werner Broodryk en Pieter Conradie gesels oor hoe ware dissipelskap nie ’n program is nie, maar ’n lewensreis van verhouding en transformasie. Lees die storie hier. Donderdag – SportStroom Ep. 19: Marizel Meintjes en Haar Inspirasiepad ’n Jong atleet met vasberadenheid – haar liefde vir stap en dissipline is werklik bewonderenswaardig. Lees die storie hier. Kyk gerus volgende week se episodes op hierdie Facebook blad: The Go-To Guy Dankie dat jy hierdie week se Potch Weeklikse Pols saam met ons deurgelees het! Of dit nou waterpype, rugby of gemeenskapsprojekte is – ons doel is om Potchefstroom se hartklop vas te vang. Deel gerus jou eie nuus of foto’s met ons en wees deel van volgende week se uitgawe. Saam vertel ons die dorp se storie – een week op ’n slag. #TheGoToGuy #potchefstroom #Potchegazette #stroomstories #PotchPulse #CommunityInAction #PotchPride #VoicesOfPotchefstroom

Potch maak reg vir ’n dag vol kos, musiek en gemeenskapsgees Potchefstroomers moet hul kalenders uithaal en Saterdag 26 Julie 2025 vet omkring – dis tyd vir die NG Kerk Mooirivier se jaarlikse basaar, en dis beslis nie net ’n pannekoek en ’n koppie tee storie nie. Die aksie speel af by die Mooirivier-kerkterrein en toegang is verniet, so bring sommer die hele straat saam. Wat wag op die dag? Die program is ordentlik vol en daar’s iets vir elke ouderdom en smaak: • Twee plaaslike sangers gaan die verhoog aan die brand sing • ’n Tromme-orkes gee dinge ‘n beat • Volkspele maak ‘n comeback vir dié wat nog onthou hoe • Kekkel en Kraai se Pompoms bring energie (en waarskynlik konfetti) • Springkastele en ’n speeltafel hou die kinders besig Kos? Jy gaan nie huis toe met ’n honger maag nie As jy ooit gewonder het hoe dit sou voel om in ‘n boerekombuis vas te loop, dis nou jou kans: • Kerrie en rys • Vetkoek en mince • Boereworsrolle • Hoender en slap chips • Net slap chips (vir die minimalistiese kind) • Roosterkoek met lewerkoekies en skilpadjie (net vir die dapperes) • Koektafel en poedings – bring kleingeld en ‘n Tupperware • Vark- en beesvleis te koop vir jou vrieskas Stalletjies en pryse As jy iets het om te verkoop of te wys, staanplekke is beskikbaar teen R100. Kontak Erica by 079-502-7486 om jou plek vas te maak. Dis ‘n goeie kans om ‘n paar rand te maak en deel te wees van die aksie. Donasies – kontant of ketchup, alles help Die kerk sê dankie aan almal wat al bygedra het. Daar’s steeds ‘n lys van goed wat nodig is vir die dag, insluitend: • Mayonaise • 20 kg hoender dye • 20 kg hoenderboudjies • Lekker chips spice • 20 sakke medium size chips • Lang buns • Hout en charcoal • 4 kg smeerbotter • 15L olie • Blikkies relish • Asyn • Servette • Messe en vurke Kontantdonasies is ook welkom, veral as jy nie lus is om 15L asyn saam te dra nie. Vir EFT’s is die besonderhede: • NG Kerk Potch Mooirivier • Absa Bank, Tjekrekening: 680 581 061 • Verwysing: Basaar Kom loer in – of dit nou vir die roosterkoek is of vir die pompoms. Dis ’n dag om saam te kuier, saam te eet, en net weer te onthou hoe lekker gemeenskap kan wees.