Wat is ‘n fees sonder die kosstalletjies? Dis reg, niks bring mense saam soos die reuk van vars gebraaide wors en ‘n lekker koppie koffie nie. By die Abraham Kriel Kinderhuis Liggiefees gaan ons smaakknoppies behoorlik op ‘n reis wees, met ‘n verskeidenheid smullekker stalletjies wat almal se mae gelukkig hou.
Klassieke Feesetes
By Stalletjie 1 gaan jy nie verbykom sonder om ‘n boereworsrol of ribrol te proe nie. En vir dié wat bietjie meer avontuurlik is, is daar ‘n kerrie-en-rys opsie wat jou warm van binne sal maak. Niks soos ‘n lekker stewige ete om die aand aan die gang te hou nie.
Lekker Snack-opsies
Stalletjie 2 hou dinge eenvoudig, maar treffend: Chip Stix en koue drinke. Wie kan nee sê vir ‘n spiraal-aartappel op ‘n stokkie? Dis die soort snack wat jy een keer koop, en skielik is die hele gesin besig om happies te steel!
Warm & Koue Drankies
Die koue of lus vir iets koelerig? Stalletjie 3 bied heerlike koffie, yskoffie en vrugte-Freezos aan. Perfek om jou energie te laai of net ‘n rustige oomblik te geniet terwyl jy die liggies bewonder.
Oosterse Smake en Soetigheid
As jy hou van ‘n oosterse flair, gaan Stalletjie 5 met sy rottis en samoesas jou dag maak. En vir die soettande? Stalletjie 6 bied pannekoek aan – daai lekker sagte soort wat in jou mond smelt – saam met ‘n koue drink om dit af te sluk.
Vir Die Grootmense
Soms wil mens net ‘n bietjie ontspan met ‘n glas wyn, bier of ‘n cider. Stalletjie 8 het alles wat jy nodig het om die dorstiges gelukkig te hou. So, bring die kuierlus!
Nyummy Menu – ‘n Nuwe Koservaring!
Ons nuwe stalletjie bied ‘n heerlike Nyummy Menu met lekkernye soos Doughnut Drops, Ice Cream Pops, Brownie Cups, Bubble Waffles en Fruity Lollies. Kom smul aan hierdie unieke bederfies – elke happie is pure plesier!
Nog ‘n Paar Verrassings
Proe aan “Brayat” en vul die lug met gelag terwyl jy ‘n bietjie spookasem geniet. Die 360-fotohokkie van On The Go Events maak ook sy verskyning, so kry jou beste pose gereed!
Maak jou planne en bring die gesin – dit gaan ‘n fees wees wat jou smaakknoppies laat dans en jou glimlag breed trek!
Kry jou Kaartjies hier Quicket : Kliek Hier
