Onbeskryflike Pyn
In die lewe is daar woorde vir diegene wat agtergelaat word na 'n geliefde se afsterwe: 'n wewenaar, 'n weduwee, 'n weeskind. Maar geen taal het 'n woord vir 'n ouer wat 'n kind verloor nie. Dis 'n pyn so diep en onbeskryflik dat dit die wese van 'n mens vir altyd verander.
In Randhart, het so 'n onbeskryflike tragedie afgespeel. Ruandré Vorster, net 9 jaar oud, en sy ma, Nadine, is wreed vermoor in hul huis. Ruandré, liefkosend bekend as "Ouma se sonstraaltjie" en "Pa se sterretjie in die hemel," het die harte van baie geraak.
Diep Hartseer Bly Agter
Hul skokkende dood het die land geruk, en simpatie en boodskappe van ondersteuning het van oraloor ingestroom. Maar die diep hartseer bly agter.
Skokkende Verwikkelinge
Nie lank na die moorde nie, is 'n verdagte gearresteer - 'n werker van die gesin, wat in die moorde betrokke gelyk het. Maar die saak het 'n onverwagse en skokkende wending geneem toe Nadine se lewensvennoot,Freddie Stapelberg, wat na bewering ook op hul liggame afgekom het, vir die moord gearresteer is. Hy staar nou 'n ernstige Skedule 6-aanklag in die gesig, wat in hierdie geval wil voorkom asof dit klag van beplande moord mag wees.
Feite
Die saak het wydverspreide debat en uiteenlopende menings ontlok, maar die enigste onbetwisbare feit bly die ondraaglike pyn van diegene wat agterbly. Al word die saak afgehandel, al word alle vrae beantwoord, die wonde van verlies bly vir altyd.
Ons harte gaan uit na Nadine en Ruandré. Mamma Nadine, Sonstraaltjie Ruandré, mag julle saggies Rus
