Op 'n yskoue, winderige Vrydagoggend het lede van 'n paar plaaslike besighede saamgespan om die N12 skoon te maak en op hierdie wyse Potchefstroom skoon te maak en te verfraai.
Hierdie skoonmaak inisiatief is deel van vanjaar se Potch Geesfees tema, naamlik 'Verfraai Ons Dorp'. In samewerking met ALS, Kooperasie Kroeg en Kos, Meerkat Online Auctions, The Go-To Guy en Q Stud, het die groep uit beweeg met handskoene aan en swartsakke in die hand - reg om die ysige wind en vuil sypaadjies te trotseer. Hulle het bome uitgehaal, dreine skoon gemaak en plastiek opgetel; verf en instandhouding is ook nog in die pyplyn.
'n Groot dankie gaan aan die organiseerders van, nie net Potch Geesfees nie, maar aan elke persoon wat hierdie inisiatief moontlik gemaak het. Saam hou die Potchefstroom gemeenskap ons dorp fraai.
Johané van Dyk - Potchefstroom
__________________________________
Foto's van die skoonmaak inisiatief