Belangrike oorwegings wanneer jy 'n musiekinstrument kies om te leer speel is bv:
Jou musikale voorkeure
Een van die belangrikste oorwegings is jou voorkeur in terme van musiek genre. Dit sal jou help om die regte instrument te kies wat by jou styl en smaak pas.
Jou persoonlike voorkeure
Jy moet ook nadink oor jou persoonlike voorkeure, soos die tipe musiek wat jy wil speel, jou handgrootte en fisieke vermoëns, en die toeganklikheid en vervoerbaarheid van die instrument.
Koste
Koste is 'n belangrike oorweging, want sommige instrumente kan baie duur wees. Jy moet onthou dat jy nie net die instrument self hoef te koop nie, maar ook ekstras soos bv klank versterkers, en ander toebehore. Die onderhoud van die instrument is ook ‘n belangrike finansieële oorweging.
Beskikbaarheid van instrukteurs
As jy 'n instrument wil leer speel, moet jy ook oorweeg of daar genoeg instrukteur beskikbaar is. Dit kan moeilik wees om 'n instrukteur te vind vir minder bekende instrumente. Onthou dat die keuse van 'n musiek instrukteur 'n belangrike besluit is wat jou musikale groei en sukses kan bepaal. Neem jou tyd om 'n instrukteur te vind wat aan jou behoeftes voldoen en jou kan help om jou doelwitte te bereik.
Mobiliteit
As jy planne het om jou instrument saam te neem na byeenkomste, gesellighede, vertonings of gigs, sal jy 'n instrument wat maklik vervoerbaar is moet oorweeg.
Populêre instrumente
Daar is 'n rede hoekom sekere instrumente meer populêr is as ander. As jy wil saamwerk met ander musikante of in 'n band wil speel, moet jy oorweeg om 'n instrument te kies wat algemeen gebruik word. Hierdie is ook ‘n oorweging sou jy net vir ‘n paar intieme vriende musiek wil maak.
Ten slotte
Onthou dat die regte instrument vir jou sal afhang van jou persoonlike voorkeure en doelwitte. As jy twyfel, vra raad van 'n professionele musiekonderwyser of 'n ervare musikant wat jou kan help om die regte keuse te maak.
Met oefening, toewyding en die regte instrukteur, kan jy 'n fantastiese musikant word op jou gekose instrument.
