Die bekroonde Afrikaanse sanger en liedjieskrywer, Frikkie van Biljon, se splinternuwe enkelsnit Breek My Hart Oop is vanaf 21 September 2024 beskikbaar op alle groot stroomplatforms.
Hierdie diep emosionele lied, wat hy saam met sy vrou Corlia geskryf het, is 'n eerlike en persoonlike refleksie oor ouerskap en die vrese wat ouers ervaar wanneer hul kinders uiteindelik grootword en die huis verlaat. Breek My Hart Oop is meer as net 'n lied; dit is 'n opregte gesprek oor die uitdagings van ouerskap.
n Atomosfeer van Nostalgie
As ouers van vier kinders, het Frikkie en Corlia hul eie ervarings in die lied ingewerk. Die lirieke beliggaam die hartseer en onsekerheid wat kinders en ouers ervaar wanneer kinders hul eerste teleurstellings in die lewe ervaar. Die melodie en lirieke werk saam om n atmosfeer van nostalgie en hoop te skep, wat luisteraars aanmoedig om oor hul eie ervarings na te dink.
Verskeie Lande se Groot Impak op hul gesin
Die inspirasie vir hierdie lied het ontstaan na n jaar waarin die gesin geskei moes leef weens hul seun se rol in die internasionale weergawe van Matilda The Musical. Gedurende 2023 en 2024 het hulle vir lang tye in verskillende lande gebly, wat n groot impak op hul as gesin gehad het.
Belangrikheid van Familie
Hierdie uitdagings het Frikkie en Corlia gedwing om oor die belangrikheid van familie en die emosionele ondersteuning wat ouers aan hul kinders moet bied, na te dink.
Frikkie verduidelik: "Die uitdaging bly dat jy jou kinders met net waardes kan toerus en dan los vir die wêreld een dag. Dit is belangrik dat hulle weet, dat alhoewel jy nie elke dag in hul lewe gaan wees nie, hulle kan weet waar hul huis is."
Breek My Hart Oop is n klassieke kontemporêre snit
Die produksie van die lied onderstreep Frikkie se veelsydigheid as kunstenaar Hy het nie net die lirieke geskryf nie, maar ook die musiek self vervaardig, wat sy unieke styl en artistieke visie ten toon stel.
Breek My Hart Oop is 'n klassieke kontemporêre snit wat sy kenmerkende stem en talent vir storievertelling na vore bring. Die lied volg op sy suksesvolle 2022-vrystelling, Huis, en bevestig sy posisie as een van Afrikaans se mees veelsydige en emosioneel raakbare kunstenaars.
Inspirasie vir ander gesinne
Die lied is beskikbaar op alle groot stroomplatforms, insluitend Spotify, Apple Music, en YouTube Music. Frikkie hoop dat Breek My Hart Oop nie net sy eie familie sal aanraak nie, maar ook ander gesinne sal inspireer om oor hul eie ervarings van liefde, verlies en hoop te reflekteer.
Frikkie van Biljon - Breek my Hart Oop
Enige verdere vrae / besprekings oor Frikkie van Biljon kan gerig word aan Klop-Klop by:
Epos: info@klopklop.co.za