Op Saterdag, 13 Julie 2024, het die jong skaakspelers van Laerskool Baillie Park uitstekende prestasies gelewer by die Dr. Kenneth Kaunda Skaak byeenkoms wat by Hoërskool Gimnasium gehou is. Die toernooi het talentvolle spelers van verskeie skole saamgebring, en ons Baillies het hulle goed van hulle taak gekwyt.
Jong Skaaktalent
Die kompetisie was styf, maar Baillies se spelers het hul vaardighede en strategiese denke ten toon gestel. In die Beginners-kategorie het Hazel-Grace Nel, 'n graad 3-leerder, 'n bronsmedalje ingepalm deur derde te eindig.
Uitstaande Prestasies
In die ander afdelings het die spelers ook goed presteer:
Afdeling B: Dian Viljoen (Graad 6) het 9de geëindig met 'n telling van 1 uit 5.
Afdeling C: Conrad v Rheede van Oudtshoorn (Graad 6) het vierde geëindig met 'n indrukwekkende telling van 4 uit 5. Eliah Bekker (Graad 6) het ook deelgeneem en 10de geëindig.
O/10 Kategorie: Zenica Stols (Graad 6) het 6de geëindig, terwyl Salomo Bekker (Graad 4) 10de geëindig het.
O/12 Kategorie: Janco Combrink (Graad 3) het 5de geëindig, gevolg deur Simson Bekker (Graad 4) in 8ste plek, en Nandus Conradie (Graad 3) in 9de. Nickes Combrink (Graad 1), alhoewel 12de, het waardevolle ervaring opgedoen.
Trots op ons Jong Skaakspelers
Baillies is ongelooflik trots op die deursettingsvermoë en sukses van ons jong skaakspelers. Hierdie byeenkoms het nie net hul skaakvaardighede bevorder nie, maar ook hul vermoë om onder druk te presteer.
"Ons is trots op elke speler wat deelgeneem het en sien uit na wat hulle in die toekoms sal bereik," sê 'n afrigter van die span.