Laerskool Mooirivier se rugbymanne het rede tot groot feesviering nadat hulle as die kampioene van die Super 12-toernooi aangewys is.
Kampioene
Die toernooi se finale rondte is op Dinsdag, 9 April by Camp Discovery afgehandel.
In hierdie kompetisie word elke span se prestasies in verskillende ouderdomsgroepe (van o.9A tot o.13A) geƫvalueer, en punte word toegeken vir oorwinnings, wat dan saamgetel word om die algehele wenner te bepaal.
Terwyl die rugbyspelers die toernooi gewen het, het die Tokkies se netbalspan 'n stewige vertoning gelewer en derde plek behaal.
Hierdie resultate het saamgeval om Laerskool Mooirivier 'n eerbare tweede plek in die totale puntestand van die Super 12 kompetisie te besorg.
.jpeg)
