Potchefstroom Gimnasium, met sy leuse "Fac et Spera" (Werk en Hoop), is diep gewortel in die dorp se geskiedenis. Gestig as 'n voorbereidingskool onder die Teologiese Skool in Burgersdorp in 1907, het dit gegroei tot 'n hoeksteen van onderwys in Potchefstroom.
By Gimmies fokus ons daarop om die regte waardes by elke leerder vas te lê, en hulle voor te berei vir die lewe na skool. Die skool is trots op sy "REGHOU"-waardes—Respek, Eerlikheid, Gimmie-guts, Hardwerkendheid, Orde en Dissipline, en Uitnemendheid. Hierdie gebalanseerde benadering verseker dat leerders goed voorberei is om die uitdagings van die samelewing aan te pak.
Adres:20 Molen St, Potchefstroom
Telefoon:018 293 0261
Webtuiste: gimmies.co.za
Epos : potchgimmies@gimmies.co.za
.jpeg)
Gimmies atlete reg vir SA’s in die Kaap
🏃♂️🏃♀️ 🏃♂️🏃♀️ 🏃♂️🏃♀️ 🏃♂️🏃♀️ 🏃♂️🏃♀️
Potchefstroom Gimnasium se atlete het weer eens gewys hoekom hulle as een van die top atletiekskole in Noordwes tel. ’n Groep van 23 Gimmie-atlete is gekies om Noordwes te verteenwoordig by die Suid-Afrikaanse kampioenskappe in die Kaap.
Dis ’n groot mylpaal vir die skool en vir elkeen van hierdie atlete. Hulle het hard gewerk deur die seisoen en die vrugte pluk nou. Vir baie van hierdie jong atlete is dit die eerste keer dat hulle by ’n nasionale byeenkoms deelneem – iets wat beslis nie maklik verdien word nie.
Gimmies se atletiek bly jaar na jaar konstant sterk en hierdie groep bewys weer dat die skool se program regtig vrugte afwerp. Die gees by Gimmies is hoog en almal hou duim vas dat die atlete nie net hul beste sal gee nie, maar ook die ervaring sal geniet.
Ondersteuning van die Gimmie-span 🙌🏻
Groot waardering gaan ook aan mnr. Martin Marx en mnr. Cyril Lawless wat saam met die span Kaap toe reis. Hulle speel ’n belangrike rol om seker te maak alles verloop vlot en dat die atlete ondersteun word op en van die baan af.
Die hele Gimmie-gemeenskap staan bankvas agter hierdie groep en wens hulle alle sterkte toe vir die kampioenskappe. Veilig reis en maak die beste van hierdie spesiale geleentheid.
🏃♂️🏃♀️ 🏃♂️🏃♀️ 🏃♂️🏃♀️ 🏃♂️🏃♀️ 🏃♂️🏃♀️
#Gimmietrots #GimmieAtletiek #GimmieGeleenthede #GimmieUitnemendheid 🎽