Op 11 Februarie 2025 bring Timothy Kieswetter sy nuutste couples show, Die Grap van die Huwelik, na Potchefstroom. Hierdie vertoning, wat plaasvind by The Feather Hill, beloof om nie net ‘n lag-uit-jou-maag ervaring te wees nie, maar ook ‘n eerlike kyk na die realiteite van die huwelik.
Wie is Timothy Kieswetter?
Timothy Kieswetter is ‘n seks terapeut en komediant wat bekend is vir sy ongefilterde en deursigtige benadering tot verhoudings. Sy shows is bekend vir die perfekte balans tussen humor en werklikheid, wat egpare help om ‘n nuwe perspektief op hul verhouding te kry.
Waaroor Gaan die Show?
Die huwelik is nie altyd maanskyn en rose nie, en Die Grap van die Huwelik bring die donkerder kant van verhoudings na die lig – met ‘n humorslag natuurlik. Hierdie vertoning spreek die mites en misverstande in huwelike aan en help paartjies om met nuwe insigte weg te stap. Kieswetter se skerp tong en eerlikheid sal jou laat lag én dink.
Kaartjies en Besonderhede
Die show vind plaas op 11 Februarie 2025 by The Feather Hill in Potchefstroom.
VIP Kaartjies: R300 per persoon
Algemene Toegang: R220 per persoon
Kaartjies beskikbaar by: iTickets
Duur: 90 minute
Geen onder 18’s toegelaat nie
Eie peuselhappies welkom, maar geen eie drank of koeldrank toegelaat nie
Wat sê die publiek?
Dié wat al van Kieswetter se vorige vertonings gesien het, weet dis nie sommer ‘n gewone comedy show nie. Hier is ‘n paar terugvoer van gehore:
“Dit was excellent! Lank laas so vrek lekker gelag!”
“Love die substance en diepte.”
“Die ‘donker kant’ het vanaand lig gekry. Baie dankie dat jy die ‘heilige koeie’ gaan begrawe het vir ons.”
“Die beste van ál jou shows sover!”
Moenie hierdie kans misloop om te lag, te leer en dalk ‘n paar waarhede oor jou eie verhouding te ontdek nie!
.jpeg)
