Waarom Aanneming Beter is as Koop

Elke dier verdien 'n tweede kans. Of dit nou 'n hond, kat of selfs 'n perd is – baie van hulle het moeilike omstandighede oorleef. Party is mishandel, ander is net weggegooi of het op straat moes oorleef. Dis hier waar jy 'n verskil kan maak. As jy 'n troeteldier aanneem, gee jy hom of haar 'n veilige huis en ‘n kans om weer ‘n gelukkige lewe te lei.

Skuilings Loop Oor – Jy Kan Help

Diere-skuilings soos PAWS Potchefstroom is gereeld oorvol met honde en katte wat desperaat ‘n blyplek soek. Hierdie diere is nie probleemdiere nie – inteendeel, hulle is van die vriendelikste en mees liefdevolle troeteldiere wat jy kan kry. Hulle het net iemand nodig wat bereid is om vir hulle ‘n kans te gee. En kom ons wees eerlik – ‘n aangenome dier se liefde is iets besonders!

Wat Kos Dit Om Aan Te Neem?

Aanneming by PAWS Potchefstroom kos minder as om ‘n dier by ‘n teler te koop. Daar is gewoonlik ‘n aannemingsfooi wat basiese mediese sorg soos inentings en sterilisasie dek – so jy kry ‘n gesonde troeteldier sonder om ‘n fortuin te spandeer. Dis ook belangrik om te onthou dat jy met aanneming help om die getalle van hawelose diere te verminder.

Hoe Werk die Aannemingsproses?

Dis makliker as wat jy dink! Kontak PAWS Potchefstroom by 071-681-9264 om te hoor watter diere beskikbaar is. Hulle sal met jou gesels oor wat jy soek in ‘n troeteldier en ‘n paar opsies gee. Jy kry ook kans om ‘n band met jou moontlike nuwe vriend te vorm voordat jy hom of haar huis toe vat.

Gee 'n Poot 'n Kans

As jy al ooit daaraan gedink het om ‘n troeteldier aan te neem, nou is die tyd. Nie net kry jy ‘n nuwe beste vriend nie, maar jy maak ook ‘n werklike verskil in ‘n dier se lewe.

Skakel PAWS Potchefstroom vandag en gee ‘n poot ‘n kans.

Hondjies en Katjies nou beskikbaar by Paws vir aan neming.