Alles Ingesluit of Aanpasbaar? Wat werk regtig vir jou troue?
- Charlene Bekker
- 18 hours ago
- 2 min read
Dis een van die eerste groot besluite wanneer ’n paartjie begin troue beplan: moet julle kies vir ’n alles-ingesluit pakket by die venue of self alles uitsoek en reel?
Die gemak van ’n Alles-Ingesluit Pakket
Dis basies soos ’n spyskaart met alles reeds uitgesorteer ,jy kry die venue, kos, stoele, dekor, dalk selfs die fotograaf en orkes , alles saam vir ’n vaste prys. Dis soos om ’n volledige ete te bestel sonder om aan elke klein ding te dink.
Voordele?
Jy weet van die begin af wat alles gaan kos. Geen onaangename verrassings later nie.
Minder verskaffers om te bestuur.
Die plek het waarskynlik al baie troues aangebied, so hulle weet presies wat om te doen.
Nadele:
Jy kan nie alles aanpas soos jy dalk wil hê nie. Jy moet kies uit wat hulle aanbied.
As jy spesifieke diensverskaffers wil gebruik wat nie op hul lys is nie, mag daar ekstra kostes wees.
Self-saamstel of "à la carte"
Dis vir die paartjie wat presies weet wat hulle wil hê en elke deel van hul troue uniek wil maak. Jy kies self die plek, die kos, die dekor, die musiek,alles.
Voordele:
Jy het volle beheer oor elke detail.
Jy kan pryse vergelyk en dalk geld spaar.
Jou troue sal uniek wees en heeltemal julle eie styl wys.
Nadele:
Dit vat baie tyd en beplanning.
Jy moet self alles koördineer, wat spanning kan veroorsaak.
Sonder ’n professionele beplanner kan dinge vinnig deurmekaar raak.
Wat pas by wie?
As julle besige skedules het en nie tyd het om alles self te beplan nie, dan is ’n alles-ingesluit pakket dalk die beste. Dis eenvoudig en doeltreffend.
Maar as julle ’n duidelike idee het van wat julle wil hê, en bereid is om tyd en moeite in te sit, dan gaan die self-saamstel opsie vir julle beter werk.
En die geldsake? ’n Alles-ingesluit troue kan tussen R60 000 en R150 000 kos, afhangend van wat ingesluit is en hoeveel gaste daar is. Met self-saamstel kan jy dalk minder betaal, maar dis maklik om die begroting te oorskry as jy nie versigtig is nie.
Die finale besluit
Daar is nie ’n reg of verkeerd nie,net wat vir julle werk. As jy hou van orde en gerief, kies die alles-ingesluit roete. As jy kreatief is en jou troue uniek wil maak, doen dit self.
Of jy kan dit slim aanpak: kry ’n venue wat pakkette aanbied, maar wat jou toelaat om sekere dele aan te pas. So kry jy die beste van albei wêrelde.
Dis julle dag. Maak dit julle eie. En onthou: gaste onthou nie die kleur van die servette nie,hulle onthou hoe spesiaal en vol liefde die dag gevoel het.
Venues in en om Potchefstroom
Comentários